最近旅游综艺节目

《因为是朋友呀》第二季

官宣即将开播

容祖儿、蔡卓妍、钟欣潼

三个靓靓将继续出发

到唔同嘅地方

约唔同嘅朋友一起玩

佢哋3人同观众一样

劲期待全新一季节目

会去得更远、玩得更嗨

甚至有啲冒险嘅玩法

but当霍汶希打开手幅

show出旅行第一站係香港嘅时候

相信屏幕内外嘅你、我、她

都一起反晒白眼

话说香港话近唔近

话远又唔多远

已经有好多节目都介绍过

各种吃喝玩乐打卡方式

唔知到时佢哋几个

仲可以玩出啲咩花臣了

▓▓▓▓▓▓▓▓▓▓▓░░░░努力加载中……

喺《因为是朋友呀》

第一季节目中

另一个看点就係佢哋

阵容鼎盛嘅嘉宾啦

明星云集嘅朋友圈

加埋“龙虎豹”三人组

无底线嘅搞怪

每一集节目都非常欢乐

同“大师兄”谢霆锋互怼互关心

同门嘅关智斌同佢哋“暖男做戏”

仲有大仙&靓靓一起玩煮饭仔

不断有惊喜不断、偶尔有惊吓

到咗第二季

“龙虎豹”对老板讲下心愿

话要去更远、更贵嘅地方

老板嘅套路就梗係咩都OK先

等大家都被氹到落沓

再公开目的地就在家门口

但佢哋已经应承咗入节目

就只好接受现实噶啦

其实有几个嘉宾

都已经自曝OR有路透

佢哋同咗龙虎豹一起玩

其中一定唔会少嘅

就实係佢哋嘅好同事兼好闺蜜

Kenny关智斌啦

佢哋早就已经亲密到

可以揽揽锡锡举高高嘅关系

无论节目组点玩嘢

都唔会有隔阂

不过Kenny都係英皇歌手

睇怕今次嘅节目录制

佢都係被老板“呃”嚟嘅

大家高度关注嘅另一位嘉宾

就係因《新闻女王》人气急升嘅

“许诗晴”高海宁啦

从路透睇

佢就同“龙虎豹”去咗海上玩

高ling更穿着清凉

大晒白滑香肩美背

索到不得了

瘦身成功嘅阿娇

原本身材比例都唔差嘅

但企喺身材高挑嘅高ling隔离

竟然瞬间变成“哈比人”

有个好得意嘅画面

阿娇举住支麦

好似采访紧高ling咁

网友就帮佢配文字

“食咩可以长到你咁高大”

观众一定觉得呢一幕

有爱又有趣嘅

唔知阿娇本娇会唔会

觉得自己被“许诗晴”“伤害”到

据说呢一季嘅节目

除咗喺“家门口”录制之外

都仲有去新加坡、

马来西亚等地取景嘅

“龙虎豹”话

唔强求有时间自己玩

大家聚埋一起开心工作

就已经係好happy嘅事

睇嚟呢趟“朋友之旅”

佢哋都玩得好开心

估计会同第一季一样

嘻嘻哈哈中又催人落泪

唔知大家最想喺呢个节目中

见到边一位嘉宾咧

靓SHOW开售

艾怡良巡演【厦门站】

艾怡良巡回演唱会

《不想忘记的名字》

深圳、广州站开卖即售空

冇抢到票嘅fans唔使担心

艾怡良又官宣咗新嘅城市

7月12号厦门站

仍有余票在售

快来“可乐生活”官方抖音号

买飞啦

来源：可乐生活Color微信公众号

编辑：张子殷

审核：曾敏妍

签发：骆苹